Sektori i pronësisë në Shqipëri, edhe pse në rritje, është një nga më të ndërlikuarit, për shkak të historikut të pasigurt të dokumentacionit, ndryshimeve të vazhdueshme të VKM-ve dhe problemeve të trashëguara që lidhen me regjistrimet, legalizimet dhe konfliktet e trashëgimisë. Shumë qytetarë dhe investitorë hasin vështirësi në verifikimin e titujve të pronësisë, në proceset e blerjes së një pasurie, në përgatitjen e kontratave të ndërtimit apo shërbimit, si dhe në çdo procedurë që kërkon ndërveprim me institucionet shtetërore, sidomos me Kadastrën.
Këto sfida shpesh çojnë drejt humbjes së investimit, bllokim të proceseve, konflikte familjare ose vonesave administrative. Për këtë arsye, asistenca ligjore profesionale është thelbësore për të garantuar siguri juridike, për të mbrojtur interesat e palëve dhe për të siguruar që çdo transaksion apo procedurë të realizohet sipas ligjit, pa rrezik dhe pa pasoja të padëshiruara.
Si zyrë ligjore, ne ofrojmë verifikim të plotë të dokumentacionit të pronësisë, hartim dhe kontroll të kontratave, përfaqësim përpara Kadastrës dhe institucionet e tjera, si dhe asistencë të vazhdueshme gjatë proceseve administrative. Qëllimi ynë është t’ju garantojmë qartësi, siguri dhe zgjidhje të drejtpërdrejta, në mënyrë që çdo vendim i lidhur me pronën të jetë i mbrojtur dhe i informuar.
Shërbimet:
- Verifikim dokumentacion pronësie/ Blerje shtëpie
- Kontrata Sipërmarrje/ndërtimi
- Kontrata Shërbimi
- Probleme trashëgimie në lidhje me pronësinë
- Përfaqësim në procedura para Kadastrës
- Asistencë në përgaditje dokumentacion gjatë proceseve administrative (p.sh. legalizime, regjistrime, etj)
- Konsultë e përgjithshme